*जागतिक साहित्य कला व्यक्तित्व विकास मंचच्या सन्मा सदस्या ज्येष्ठ लेखिका कवयित्री संगीता कुलकर्णी लिखित अप्रतिम काव्यरचना*

*स्वप्नात रंगले मी*

स्वप्नात रंगले मी

तुझ्यात हरवले मी

डोळ्यांत तुझंच चित्र

मनात तुझीच ओढ

तुझ्या प्रेमाच्या रंगात रंगले मी

तुझ्या आठवांच्या रंगांनी

मनाच्या कोपऱ्यात सजल्या

नकळत प्रेमाच्या गंधांनी

पानाच्या कॅनव्हासवर

प्रेमाच्या ओळी रेखाटल्या

तुझ्या नावाच्या नाजूक रंगांनी

शब्दही हरवून बसले

तू शब्दांत नव्हतास तू भावांत दडलेला होतास

माझ्या प्रत्येक श्वासात

अलगद मिसळलेला होतास

तू नसतानाही सोबत

शब्दही गाऊ लागले

मौनही बोलू लागले

तुझ्या आठवांच्या ओंजळीत

भाव सारे विसावले

तू नसतानाही सोबत

तुझ अस्तित्व जाणवत होतं

मनाच्या खोल कप्प्यातून

तुझ्यातच हरवत होतं

मीच माझ्या अंतरंगात

एक अनोखं गाणं झालं

ज्यात हरवणंही सुंदर वाटतं

आणि सापडणंही थांबतं

संगीता कुलकर्णी— ठाणे@

9870451020