आमदार निलेश राणे व जिल्हाप्रमुख दत्ता सामंत यांच्या उपस्थितीत शिवसेनेत जाहीर प्रवेश

मालवण :

आचरा येथील सामाजिक कार्यकर्त्या सौ. वर्षा मांगिरीश सांबरी तसेच उद्योजक मांगिरीश सांबरी यांनी शिवसेनेत अधिकृत प्रवेश केला. आमदार निलेश राणे आणि शिवसेना जिल्हाप्रमुख दत्ता सामंत यांच्या प्रमुख उपस्थितीत हा पक्षप्रवेश पार पडला. मालवण येथील निलरत्न निवासस्थानी हा कार्यक्रम आयोजित करण्यात आला होता.

यावेळी शिवसेना तालुकाप्रमुख विनायक बाईत, जिल्हा समन्वयक महेश कांदळगावकर, शिवसेना उपजिल्हाप्रमुख महेश राणे, विश्वास गावकर, अरविंद करलकर, विभागप्रमुख संतोष कोदे, सरपंच जेरॉन फर्नांडिस, उपनगराध्यक्ष दिपक पाटकर, जिल्हा बँक संचालक बाबा परब, युवासेना जिल्हाप्रमुख संग्राम साळसकर, उद्योजक बाबू परुळेकर, विधानसभा सोशल मीडिया प्रमुख किशन मांजरेकर, युवासेना तालुकाप्रमुख अभि लाड यांसह अनेक पदाधिकारी उपस्थित होते.

या पक्षप्रवेशामुळे आचरा परिसरात शिवसेनेची संघटनात्मक ताकद वाढली असून आगामी निवडणुकांच्या पार्श्वभूमीवर पक्षाला नवे बळ मिळाल्याचे चित्र दिसत आहे.