रास्तभाव दुकानांसाठी अर्ज करण्याचे आवाहन

सिंधुदुर्गनगरी 

 अन्न, नागरी पुरवठा व ग्राहक संरक्षण विभागाच्या आदेशानुसार जिल्ह्यातील सर्व तालुक्यातील खाली नमूद गावांसाठी रास्तभाव दुकान परवाने मंजुरीकरिता दिनांक १ जानेवारी २०२६ रोजी जाहीरनामा प्रसिद्ध करण्यात आलेला आहे. प्राथम्यक्रमानुसार त्या गावातील, क्षेत्रातील पंचायत, बचत गट, सहकारी संस्थांनी विहित नमुन्यातील अर्ज आवश्यक कागदपत्रांसह ३१ जानेवारी २०२६ पर्यंत संबंधित तालुक्याच्या तहसिलदार कार्यालयात कार्यालयीन वेळेत अर्ज सादर करण्याचे आवाहन जिल्हा पुरवठा अधिकारी विजय सहारे  यांनी केले आहे.

तालुका व रास्त भाव दुकान परवाना मंजूर करावयाची गावे पुढीलप्रमाणे

 सावंतवाडी तालुक्यातील गावे–  रास्त भाव दुकान परवाना मंजूर करावयाची गावे :- सावंतवाडी ई वार्ड, सावंतवाडी ई १ वार्ड, वेंगुर्ला तालुक्यातील गावे– वायंगणी, निवती मेढा. कुडाळ तालुक्यातील गावे- कविलगांव , रुमडगांव, कुडाळ नं.१. मालवण तालुक्यातील गावे- आंबेरी, गोठणे, खरारे, ओवळीये, खोटले, तारकर्ली.  कणकवली तालुक्यातील गावे – कुंभवडे, ओझरम, वारगांव, तळवडे, मोहुळ, जांभळगाव कासार्डे. देवगड तालुक्यातील गावे- दाभोळे, गढीताम्हाणे, हडपीड, लिंगडाळ, मिठमुंबरी, नाद, पाटगांव, वानिवडे, सांडवे, कट्टा. तर दोडामार्ग आणि वैभववाडी  निरंक आहेत.

 या जाहीरनाम्यास अनुसरुन १. पंचायत  ग्रामपंचायत व तत्सम स्थानिक स्वराज्य संस्था. २. नोंदणीकृत स्वयंसहाय्यता बचत गट. ३. महाराष्ट्र सहकारी संस्था अधिनियम, १९६० अंतर्गत नोंदणीकृत सहकारी संस्था. ४. संस्थानोंदणी अधिनियमांतर्गत नोदणी झालेल्या सार्वजनिक संस्था किंवा सार्वजनिक न्यास याप्रमाणे पाथम्यक्रमानुसार त्या गावातील , क्षेत्रातील पंचायत, बंचत गट, सहकारी संस्था यांनी विहित नमुन्यामधील अर्ज आवश्यक कागदपत्रांसह ३१ जानेवारी पर्यत संबंधित तालुक्याच्या तहसिदार यांच्या कार्यालयात कार्यालयीन वेळेते दाखल करावे असे आवाहन जिल्हा पुरवठा विभागामार्फत करण्यात आले आहे.