*जागतिक साहित्य कला व्यक्तित्व विकास मंचच्या सन्मा सदस्या ज्येष्ठ लेखिका कवयित्री अनघा अनिल कुळकर्णी लिखित अप्रतिम बालकविता*

*बालपण*

चला पुन्हा एकदा बालपण जगूया

रंगीबेरंगी फुगे पाहताना

याच रंगाचा फुगा हवाय

म्हणून परत हट्ट करू या

चला पुन्हा बालपण जगूया… … १

रिमझिम रिमझिम पावसात

चिंब ओले भिजताना

सर्दी खोकला झाल्यावर

आई-बाबांचा ओरडा खाऊया

चला पुन्हा बालपण जगूया. … .. . २

पेरू कैऱ्या तोडायला

पुन्हा झाडावर चढू या

आवळे चिंचा बोरे

लपून छपून खाऊया

चला पुन्हा बालपण जगूया… … .. ३

वर्गात मित्रांची खोडी काढताना

शिक्षकांनी दोघांना बघताना

वर्गा बाहेर काढल्यावर

ओणवे उभे राहू या

चला पुन्हा बालपण जगूया. … … ..४

घरी हल्ला हल्ला करताना

ताईने आईला नाव सांगताना

खोटे खोटे रडून झाल्यावर

आईच्या कुशीत शिरूया

चला पुन्हा बालपण जगूया. ..,…….. ५

सौ. अनघा अनिल कुळकर्णी

पुणे. 🙏 ९३२३४९१११३