*जागतिक साहित्य कला व्यक्तित्व विकास मंचच्या सन्मा सदस्या ज्येष्ठ लेखिका कवयित्री अरुणा दुद्दलवार लिखित अप्रतिम काव्यरचना*
*खोपा विणते शब्दातून*
आणते चोचीत
सुंदर शब्द वेचून
खोपा विणून
सुबक….
कल्पनेच्या आभाळात
उंच भरा-या घेते
साहित्य शोधते
रचनेचे….
मजबूत फांदी
निवडते मजबूत विचारांची
भिस्त खोप्याची
त्यावर….
विणते खोपा
लक्ष देते सभोवार
शब्द अलवार
रचते….
सुरक्षित ठेवते
खोप्यात माझी रचना
अनमोल खजिना
काव्याचा!!
००००००००००००/
अरुणा दुद्दलवार@✍️
