*जागतिक साहित्य कला व्यक्तित्व विकास मंचच्या सन्मा सदस्या ज्येष्ठ लेखिका कवयित्री ज्योत्स्ना तानवडे लिखित अप्रतिम काव्यरचना*
*‘एक धागा रेशमाचा!’*
एक धागा रेशमाचा
सूत्र हे संवेदनांचे
प्रेम विश्वास कर्तव्य
नात्यातील बंधनांचे ||१||
भावा बहिणीची ओढ
धागा हळव्या नात्याचा
स्नेह जिव्हाळा अतूट
बंध लोभस प्रेमाचा ||२||
सांगे बहीण भावाला
वसे माहेर अंतरी
बंध मायेचे नाजूक
जपू दोघे उराउरी ||३||
नाही मागणे कशाचे
तुला प्रेमाचे औक्षण
लाभो औक्ष कीर्ति तुला
मला मायेचे अंगण ||४||
जसा कृष्ण द्रौपदीसी
पाठीराखा जन्मभरी
नाते आपुले असावे
सुखदुःख वाटेकरी ||५||
तुझ्या माझ्या भावनांना
लाभे काळीज कोंदण
नित्य जपून ठेवू या
अनमोल असे क्षण ||६||
*ज्योत्स्ना तानवडे. पुणे*
