*जागतिक साहित्य कला व्यक्तित्व विकास मंचचे सन्मा सदस्य कवी चंद्रशेखर कासार लिखित अप्रतिम काव्यरचना*
*हिशोब*
आयुष्याचा हिशोब कुणा
कुणा नाही कळला
शेवटी सरणावरती सारा
देह जळून गेला
बेरीज करता करता
वजाबाकी होऊन गेली
गुणाकाराच्या पटीत चालताना
कधी वि-भागून गेलो
यशापयशाच्या चौकटीत राहून
कधीही नाही हरलो
त्रिज्या कुठे छेदून गेली
कधी कळलेच नाही
सरणावरती जाता जाता
हिशोब चुकता झाला
जळून गेला देह परि
राखेत शुन्य बाकी राहिला
कवी :-
*चंद्रशेखर प्रभाकर कासार*
*चांदवडकर, धुळे.*
७५८८३१८५४३.
८२०८६६७४७७.
