*जागतिक साहित्य कला व्यक्तित्व विकास मंचचे सन्मा सदस्य कविवर्य वैद्यराज भूपाल त्र्यंबक देशमुख लिखित अप्रतिम लेख*

*🦁🦁सिंह🦁🦁*

अरे बुद्धिमान माणसा ओळखलंस मला ?

मी सिंह आहे .

होय मी सिंह आहे .

घाबरलास ? ……

घाबरु नको , जाणून घे.

आज शक्तीचे माप जरि अश्वशक्तीत मोजले जाते तरी ते पाश्चात्यांनी सांगितलेले मोजमाप साधन आहे !

पण आम्हा भारतीयांचे नागशक्ती हेच साधन होते ! विसरलास ना ? नाग म्हणजे हत्ती !!!

पांडवांच्या भीमात दहाहजार हत्तींचे बळ होते ! हे ही विसरलास ना ?

तोच हत्ती ज्यामुळे आपल्या संस्कृतीत नागशक्ती हा शब्द रुढ झाला !

त्याच हत्तीचे गंडस्थळ फोडणारा सिंह मी !

ज्याचेमुळे या देशाला भारत देश हे नाव पडले तो भरत ! होय त्याच भरताने माझा जबडा धरुन पहिल्यांदा माझे दात मोजले होते तोच मी सिंह !

मला मृगराज , केसरी , शार्दुल , मृगेंद्र , वनराज , पंचानन आदिही नावे आहेतच . माझ्या नावाने नरसिंह , नरकेसरी , नरशार्दुल , सिंहगर्जना , सिंहनाद , सिंहासन अशी नावे ही मराठी व संस्कृत आणि इतर भारतीय भाषांमधे प्रचलित आहेत. पण तू ओळखावंस म्हणून मी केवळ सिंहच !!

ज्याच्या पिल्लाला जरी धरायचे असेल तरी पिंजरा , माणसांचा ताफा आणि भरलेल्या बंदुका , तिरकामठे , ढोल नगारे , पेटलेल्या मशाली इ. सार्‍याच गोष्टी लागतात तोच मी !! जंगलाचा राजा सिंह !!

अरे वेड्या माणसा ! मेंढरं , लांडगे , जंगली कुत्रे इ. सर्वच प्राणी जमावानं राहणारे रे !! कधी मी हारतो !! सातआठ जंगली कुत्रे वा लांडगे एकत्र येवून माझ्यावर हल्ला करतात ना ! पण मी म्हातारा असतो वा एकटा असतो !!! मी हतबल असतो !!! त्यांना आसुरी आनंद मिळतो एखाद्यावेळेला माझ्या असहायतेमुळे !!

आणि ते का मारतात ? मी त्यांच्यात मिसळत नाही ! जमावाने रहात नाही !! त्यांचेसारखा नीतीने घसरत नाही ! माझी तत्व ठरलेली आहेत रे ! भूक लागल्याशिवाय शिकार करत नाही आणि कुणी हल्ला केल्याशिवाय मी मारत नाही !!! बाकी तर मी माझ्याच मस्तीत जगतो !! कुणाला त्रास देत जगत नाही !! जसे खरे ब्राह्मण , खरे संत , खरे ऋषि , खरे साधु , खरे मुनि , खरे गुरु हे जसे कुणाला त्रास न देता आपल्या सर्वोच्च नीतीने जगतात ना तसे !! जशी हिमालयाची निरनिराळी शिखरे आहेत ना , तशी ब्राह्मण , संत , ऋषि , साधु , गुरु , मुनि आणि कवी ही भारतीय संस्कृतीची शिखरं आहेत बरं का . हो , अरे ! विभूतियोगात योगेश्वराने तो महर्षिंमधे , कवींमधे , मुनिंमधे कोण हे सांगितलेच ! त्याच वा तशाच गुणांचा मी !!!म्हणून तर मी सर्वश्रेष्ठ अथवा वनराज !!

आणि हो , हे तर विसरलोच ! चारही बाजूने आसुरी आक्रमणांची मांदियाळी असतांना एका शिवाजी महाराज नावाच्या नरशार्दुलाने *हर हर महादेव* नावाची सिंहगर्जना केली होती , आठवते का ? महादेव म्हणजे भूतांचा स्वामी . भूते म्हणजे कोण ? ज्याला तू व्हायरस , बॅक्टेरिया आदि संज्ञा देतोस ना तीच भूते आणि त्यावर विजय मिळवणारा महादेव. भारतीय रसायनशास्त्राचा जनक महादेव. त्याचे नावाची गर्जना दिली होती त्या शिवाजी महाराज नरशार्दुलाने !! तू देवू शकशील ?

फार पूर्वीपासून आणि आजही भारताचे प्रतीक म्हणून माझाच तर वापर होतोय सेंगोल म्हणून !!!

मला ओळख माणसा . तुला संत , ब्राह्मण , ऋषि , मुनि वा कवी व्हायचे असेल ना तर पहिले सिंहच व्हावे लागेल बुद्धिशक्तीने संयमी आणि स्वावलंबी , शारिरीक शक्तीने पराक्रमी !!!

झालं , पराक्रमी म्हणजे पूर्णांशाने नाही माहित ना व्याख्या ? कसं रे माणसा !!! पराक्रमी म्हणजे युद्ध करणारा व जिंकणारा नव्हेच !!!! पराक्रम हा संस्कृत शब्द आहे बरं का ! आणि त्याचा अर्थ परान् आक्रमति इति पराक्रमः । जो दुसर्‍यावर आक्रमण करतो तो पराक्रमी ! जो आपल्यावर आक्रमण झाल्यावर उत्तम संरक्षण करतो तो पराक्रमी नव्हेच !! हारणे वा जिंकणे नंतरचे . शिकार कधी निसटूनही जाते ना !!

ज्या देशाच्या इतिहासात रामराज्यात वा महाभारतकाळात वा आत्ता आत्तापर्यंत पृथ्वीराज चौहाना पर्यंत वा सिंधदेशाचा राजा दाहीर सेन पर्यंत युद्धमंत्री हेच पद होते , संरक्षण मंत्री पद नव्हतेच !!! आत्ताच्या मूर्ख लोकशाही व्यवस्थेचे कौतुक उगाच करु नकोस माझ्याजवळ . तो पराक्रमी सिंह मी !!! होशील ना तू माझ्यासारखा ?

झालास तर हा भारत पुन्हा बलशालि होईल !

हा भारत पुन्हा बलशालि होईल !

🦁🦁🦁🦁🦁🦁

*©सर्वस्पर्शी*

©लेखनधर्म—कविवर्य वैद्यराज भूपाल त्र्यंबक देशमुख.

नाशिक ९८२३२१९५५०.