बांद्यात संत सोहिरोबानाथ जयंती सोहळा उत्साहात*

बांदा

बांदा येथिल श्री संत सोहिरोबानाथ आंबिये मठामध्ये गुरुप्रतिपदेला संत सोहिरोबानाथ जयंती सोहळा मोठ्या उत्साहात आणि भक्तीमय वातावरणात साजरा झाला. यानिमित्त मठात दिवसभर विविध धार्मिक कार्यक्रमांचे आयोजन करण्यात आले होते.या जयंती सोहळ्या पासुन श्रीरामनवमीपर्यंत मठात नाथ सेवा उत्सव चालणार आहे.

गुरूवारी सकाळी संत सोहिरोबानाथांच्या मुळ पादुकांची पुजा अर्चा,अभिषेक होऊन दर्शन व तीर्थप्रसादास प्रारंभ झाला.त्यानंतर संत सोहिरा चरित्रामृताचे वाचन झाले.दुपारी शेकडो भाविकांच्या उपस्थितीत महाआरती झाली व महाप्रसादास आरंभ झाला. यावर्षी जयंतीदिनी गुरुवार आल्याचे औचित्य साधून सेवेकरी मंडळींच्या वतीने हा महाप्रसाद आयोजित करण्यात आला होता.सायंकाऴी 5 वाजता स्थानिक महिलांची भजन सेवा झाली.7.15 ला नित्य सायंआरती व त्यानंतर स्थानिक भजनकर्मींची भजनसेवा झाली.

नाथांच्या जयंतीपासून नाथ सेवा उत्सव आरंभ झाला आहे.नित्य मंगळवारची भजन सेवा व गुरुवारची दुपारची आरती यांच्यासह उत्सवकाळात दर मंगळवारी सायं 5 ते 6 या वेळेत श्रीराम नामाचा जप होणार आहे. तसेच दर गुरुवारी सायंकाळी 5 ते 6 महिला भजनकर्मींची भजनसेवा होणार आहे.हा नाथ सेवा उत्सव नाथांचा निर्वाणदिन असलेल्या रामनवमीपर्यंत चालणार आहे.