कलेश्वर मलेश्वर देवस्थान प्रतिष्ठापना वर्धापन दिन*
सावंतवाडी
नेमळे येथील श्री देव कलेश्वर मलेश्वर देवस्थान प्रतिष्ठापनेचा वर्धापन दिन सोहळा शनिवार, ८ फेब्रुवारी ते सोमवार १० फेब्रुवारी या कालावधीत होत आहे. यानिमित्त श्री मलेश्वर मंदिरात शिवशक्ती याग सोहळा होणार आहे. शनिवार ८ फेब्रुवारीला सकाळी ७ ते ९ शांतिपाठ, देवतांची प्रार्थना, पुण्याहवाचन, संभारदान, सकाळी ९ ते १० सिद्धिविनायक महागणपती पूजन, प्रकारशुद्धी, देवता स्थापना, रुद्राभिषेक, अग्निस्थापना, ग्रहत्याग, रविवार ९ फेब्रुवारीला सकाळी ७ ते ११ आवाहित देवतांचे पूजन, होमहवन, बालिप्रदान, पूर्णाहुती, आरती, तीर्थप्रसाद, महाप्रसाद, सोमवार १० फेब्रुवारीला सकाळी ११ वा. श्री देवी सातेरी मंदिरात लघुरुद्र व ब्राम्हण समराधना, आरती, तीर्थप्रसाद, महाप्रसाद तसेच रात्री १० वाजता जय हनुमान दशावतार नाट्यमंडळ, आरोस यांचा नाट्यप्रयोग होणार आहे.