दशावताराला राजाश्रय मिळण्यासाठी नितेश राणेंच्या माध्यमातून पाठपुरावा करू – मनिष दळवी
सह्याद्री फाउंडेशन च्या वतीने आयोजित दशावतार महोत्सवाचे उत्साहात उद्घाटन…
सावंतवाडी
दशावतारकर कलेला राजाश्रय मिळावा यासाठी नेहमीच प्रयत्न झालेला आहे. तत्कालीन मंत्री दीपक केसरकर यांनी सिंधुरत्न योजनेतून कंपन्यांना वाहने खरेदी करून दिली. आता पुढील काळात मंत्री नितेश राणे यांच्या माध्यमातून पाठपुरावा केला जाईल, असा विश्वास सिंधुदुर्ग जिल्हा बँकेचे अध्यक्ष मनीष दळवी यांनी येथे व्यक्त केला. दरम्यान सह्याद्री फाउंडेशनच्या माध्यमातून घेण्यात आलेला दशावतार महोत्सव हा उपक्रम कौतुकास्पद आहे, लोककला जिवंत राहणे गरजेचे आहे, त्यासाठी असे उपक्रम राबवणे गरजेचे आहे, असेही ते म्हणाले.
सह्याद्री फाउंडेशन व सावंतवाडी नगरपरिषद यांच्या संयुक्त विद्यमाने सावंतवाडीत आयोजित करण्यात आलेल्या दशावतार नाट्य महोत्सवाचे उद्घाटन मनीष दळवी यांच्या हस्ते करण्यात आले यावेळी ते बोलत होते. यावेळी बेळगावचे उद्योजक प्रसन्न घाडगे, माजी नगराध्यक्ष संजू परब, फाउंडेशनचे संस्थापक अध्यक्ष सुनील राऊळ, भाजप शहर मंडल अध्यक्ष अजय गोंदावळे, सैनिक पतसंस्थेचे चेअरमन बाबुराव कविटकर, सैनिक फेडरेशनचे अध्यक्ष शशिकांत गावडे, ॲड. श्री. परब, संस्थेचे अध्यक्ष रवींद्र मडगावकर आदी उपस्थित होत.
यावेळी बोलताना दळवी म्हणाले,समाजाला आवश्यक विवीधांगी उपक्रम देण्याचा कायम प्रयत्न सह्याद्री फाऊंडेशनने केला आहे. जिल्ह्यात सामाजिक, सांस्कृतिक, क्रिडा क्षेत्रात आदर्शवत काम व्हावे, यासाठी सह्याद्री फाऊंडेशनचा पुढाकार राहिलेला आहे. त्यांच्या या उपक्रमाला शुभेच्छा त्यांनी दिल्या. यावेळी बेळगावचे उद्योजक प्रसन्न घोडगे, सावंतवाडी नगर परिषदेचे माजी नगराध्यक्ष संजू परब यांनी सह्याद्री फाउंडेशन दशावतार नाट्य महोत्सवाचा स्तुत्य उपक्रम सुरू केला असून सावंतवाडी मधील चांगल्या वातावरणामध्ये दशावतार कलेचा मोठा प्रेक्षकवर्ग असून असेच विवीधांगी कार्यक्रम भविष्यातही राबवावेत, असे आवाहन केले. या कलेमुळे शहरात नवी उमेद तयार व्हावी, अशी अपेक्षा त्यांनी यावेळी बोलताना व्यक्त केली.
कार्यक्रमाचे प्रास्ताविक सह्याद्री फाउंडेशन चे संस्थापक अध्यक्ष सुनील राऊळ यांनी केले यावेळी त्यांनी सह्याद्री फाउंडेशनच्या कामाचा आढावा घेतला यावेळी चेंदवणकर दशावतार नाट्य मंडळाचे प्रमुख देवेंद्र नाईक यांचा सत्कार करण्यात आला तर सह्याद्री फाउंडेशन च्या वतीने माजी नगराध्यक्ष संजू परब यांच्या हस्ते जिल्हा बँकेचे अध्यक्ष मनीष दळवी यांचा शाल श्रीफळ देऊन सत्कार करण्यात आला. यावेळी बोलताना उद्योजक प्रसन्न घाटगे म्हणाले, आपणही दशावतारी प्रेमी असून हे नाटक पाहण्यासाठी दूर दूर पर्यंत गेलो आहेत. ही कला जोपासण्याचे काम सह्याद्री फाउंडेशन करत असल्याबद्दल त्यांनी फाउंडेशनच्या कामाचे कौतुक केले. हे सामाजिक कार्य असे सुरू ठेवावे, असे आवाहन त्यांनी यावेळी बोलताना आवाहन केले. यावेळी नाट्य कंपनीचे मालक देवेंद्र नाईक यांचा सत्कार करण्यात आला. सावंतवाडी पोलीस निरीक्षक अमोल चव्हाण यांचा सत्कार श्री. राऊळ यांनी केला
या कार्यक्रमास अध्यक्ष रवींद्र मडगावकर, सचिव प्रताप परब, अजय गोंदावळे, तारकेश्वर सावं, सैनिक सहकारी पतसंस्थेचे अध्यक्ष बाबुराव कविटकर, संस्थेचे माजी अध्यक्ष विजय चव्हाण, माजी सचिव प्रल्हाद तावडे, सुहास सावंत, शशिकांत मोरजकर, दीपक राऊळ, तारकेश सावन, गजानन बांदेकर, फाउंडेशनच्या उपाध्यक्ष मोहिनी मडगावकर, खजिनदार हर्षवर्धन धारणकर, वेर्ले उपसरपंच मोहन राऊळ, अशोक सांगेलकर, सुनील खानोलकर, सावंतवाडी तालुका पत्रकार संघाचे अध्यक्ष हरिश्चंद्र पवार, सिद्धेश सावंत, अनिल राऊळ, राजन राऊळ आदी उपस्थित होते.
