*जागतिक साहित्य कला व्यक्तित्व विकास मंचच्या सन्मा सदस्या ज्येष्ठ लेखिका कवयित्री ज्योत्स्ना तानवडे लिखित अप्रतिम काव्यरचना*

*क्रांतीज्योती सावित्रीबाई फुले अभिवादन!*

*’ ज्ञानगंगा ‘*

अविद्येच्या तमा निवारण्या

ज्योत शिक्षणाची पेटविली

स्त्री वर्गाच्या उद्धारणास्तव

आधुनिक सावित्री लढली ||

समाजकारणे पेटलेली

तळपती क्रांतीज्योती असे

स्त्रीशिक्षण मार्ग प्रकाशिला

कर्तृत्व तियेचे थोर असे ||

संकटांना पार करूनिया

जिद्दीने लढणे सोपे नव्हे

अंतरीची तळमळ मोठी

पंखात अपार बळ हवे ||

वंदन असे या माऊलीस

समाजास्तव नित्य कष्टिली

अंतरीची जिद्द चेतवून

स्त्रीला सन्मानाची वाट दिली ||

*ज्योत्स्ना तानवडे. पुणे*