*गझल मैफलीने श्रोते मंत्रमुग्ध*

पिंपरी

कशिश प्रस्तुत “गझल संध्या – चुपके चुपके” या हिंदी – मराठी गझलांच्या सुरेल मैफलीने निगडी प्राधिकरणातील पेठ क्रमांक २७अ, संत तुकाराम उद्यानाच्या मागे असलेल्या आय. आय. सी. एम. आर. ऑडिटोरियममधील गझलप्रेमी रसिकांना मंत्रमुग्ध केले. पं. किरण परळीकर, शर्मिला शिंदे आणि प्रतीक म्हाळस्कर यांच्या स्वरातील काही लोकप्रिय तर काही नव्या ताज्या गझलांचा उपस्थित रसिकांनी रसास्वाद घेतला.

मूळ फारसी काव्यप्रकार असलेली गझल ही लिखित विधा गायनाच्या माध्यमातून जेव्हा रसिकांच्या काळजापर्यंत पोहोचून उत्स्फूर्त दाद मिळवते तेव्हाच ती पूर्णत्वाला जाते, असे म्हटले जाते. याचा पुरेपूर प्रत्यय या मैफलीत आला. मैफलीची सुरुवात उर्दू आणि मराठी शायरीचे दीपस्तंभ असलेल्या गालिब आणि सुरेश भट यांच्या प्रतिमा पूजनाने झाली. त्यानंतर नव्या दमाचे तरुण संगीतकार – गायक प्रतीक म्हाळस्कर यांनी “आहिस्ता-आहिस्ता” ही लोकप्रिय गझल आपल्या मखमली आवाजात सादर करून रसिकांची मने जिंकली. नंतर तरुण गझलकार अभिजित काळे यांनी लिहिलेल्या आणि स्वतः प्रतीक म्हाळस्कर यांनी स्वरबद्ध केलेल्या “तुला पाहून सुचल्या दोन ओळी” ही गझल सादर केली. या गझललाही रसिकांची उत्स्फूर्त दाद मिळाली. यांसह प्रतीक म्हाळस्कर यांनी सागर पाटील लिखित “तेरी बुझती हुई यादों को हवा ना लगे” आणि जौन ईलिया लिखित “उम्र गुजरेगी इम्तेहान में क्या” या दोन स्वतः संगीतबद्ध केलेल्या, तसेच “चुपके चुपके” आणि “नीयत – ए – शौक भर ना जाए कहीं”, या लोकप्रिय गझला सादर करून श्रोत्यांना आपल्या प्रतिभेची चुणूक दाखवली. शर्मिला शिंदे यांनी सादर केलेली “रस्म – ए – उल्फत” ही फिल्मी गजल ऐकताना रसिकांना लता मंगेशकर – मदन मोहन या अजरामर जोडीची आठवण झाली नसेल तरच नवल. याचबरोबर “सलोना सा सजन”, तसेच पं. किरण परळीकर यांनी लिहिलेली आणि स्वरबद्ध केलेली “फुल मी, सुगंध तुजला”, या गझला अतिशय तयारीने सादर केल्या. मैफलीच्या उत्तरार्धात पं. किरण परळीकर यांनी तरुण गझलकार दिनेश भोसले लिखित “तू हासतेस तेव्हा” आणि सागर पाटील लिखित “आधार आज द्यावा माझ्याच आसवांनी” या त्यांनी स्वतः स्वरबद्ध केलेल्या गझला सादर केल्या. पंडितजींच्या स्वरांनी रसिक भारावले असतानाच कार्यक्रमाची शेवटची गजल – “वफा के शम्मे बुझाओ” – सादर करण्याआधी पंडितजींनी प्रेक्षागृहातील सर्व दिवे बंद करण्यास सांगितले आणि केवळ एका मेणबत्तीच्या प्रकाशात ही गझल सादर झाली. अशा रीतीने अतिशय भारावलेल्या वातावरणात मैफलीची सांगता झाली.

मैफलीतील प्रचलित आणि अप्रचलित उर्दू, हिंदी, मराठी गझलांची निवड ही मुळातच वैविध्यपूर्ण भावनांचा परिपोष करणारी होती. ताना, मुरक्या, पलटे अथवा गायकीतील चमत्कृतींच्या आहारी न जाता स्वच्छ अन् स्पष्ट शब्दोच्चार आणि तरीही सुरेलता सांभाळून तीनही गायकांनी सर्व गझलरचना परिणामकारकरीत्या सादर करून श्रोत्यांची मने जिंकली. नीलेश शिंदे यांची तबला आणि प्रतीक म्हाळस्कर यांची संवादिनी साथ दुधात मिसळून गेलेल्या साखरेइतकीच मधुर होती. त्यांच्या जोडीला डॉ. सतीश गोरे यांनी गिटारवर तसेच राजेश डेव्हिड यांनी कीबोर्डवर उत्तम साथ केली. स्वतः पंडित किरण परळीकर यांनी निवेदनाची धुरा उत्तमरीत्या सांभाळली.

गझल या विधेचा प्रचार अन् प्रसार करण्यासाठी वेळोवेळी पदरमोड करून कशिश या संस्थेने केलेल्या
प्रामाणिक प्रयत्नांना रसिकांसह अनेक मान्यवरांनी हातभार लावले.

– प्रदीप गांधलीकर
९४२१३०८२०१
७४९८१८९६८२

______________________________
*संवाद मीडिया*

*Admission Open ❗❕Admission Open ❗❕*
2025-26 (STD 6 to 9 & XI Sci.)

*वारस होऊ सैनिकी परंपरेचे…*

काळानुरूप जलदगतीने बदलत जाणाऱ्या शैक्षणिक गरजा, विज्ञान व माहिती तंत्रज्ञानाच्या
युगात, वाढत्या स्पर्धात्मक जीवनात जिद्दीने आणि महत्वाकांक्षी वृत्तीने यशस्वी होणारे विद्यार्थी
निर्माण करण्याचे पवित्र आणि प्रामाणिक ध्येयरूपी कार्य सिंधुदुर्ग डिस्ट्रिक्ट एक्स सर्व्हिसमेन
असोसिएशन संचलित शासनमान्य सिंधुदुर्ग सैनिक स्कूल, आंबोली गेली 21 वर्षे अविरतपणे करित आहे.

*Admission Open ❗❕Admission Open ❗❕*
2025-26 (STD 6 to 9 & XI Sci.)

*🏆An Award Winning School🏆*

महाराष्ट्रातील एका नामवंत सैनिक शाळेत प्रवेश घेऊ इच्छिणाऱ्या पालकांसाठी खुशखबर ..

Sindhudurg District Ex-Servicemen Association, Sindhudurg
संचलित
*📚सिंधुदुर्ग सैनिक स्कूल🏇*
आंबोली, ता. सावंतवाडी, जि. सिंधुदुर्ग

💁‍♂️आता घरबसल्या आपल्या पाल्याचा प्रवेश निश्चित करा आपल्या मोबाईलवरुन !📲

👉शैक्षणिक वर्ष 2025 – 26 करिता सिंधुदुर्ग जिल्ह्यातील शासनमान्य अनुदानित ..
👉फक्त मुलांच्या निवासी सैनिक शाळेत इ. ६ वी च्या वर्गासाठी एकूण ४५ जागा व इ. ७ वी ते ११ वी (विज्ञान) मधील काही रिक्त जागांसाठी
प्रवेश प्रक्रिया सुरु

*✨आमची वैशिष्ट्ये✨*

➡️ आदर्श गुरुकुल पद्धतीचे निवासी सैनिकी शिक्षण
➡️ सुरक्षित निसर्गरम्य शालेय परिसर, भव्य क्रिडांगण
➡️आधुनिक व सुसज्ज प्रयोगशाळा, संगणक कक्ष, ग्रंथालय
➡️उच्चशिक्षित अनुभवी शिक्षक व प्रशिक्षक, दर्जेदार शिक्षण
➡️निवासी वैद्यकिय अधिकारी सुविधा
➡️करियर मार्गदर्शन, सैन्यदल प्रवेश परीक्षा, NDA, JEE, NEET, MHT-CET इ. स्पर्धा परीक्षा मार्गदर्शन
➡️NCC Junior Division

📲खालील लिंक वर क्लिक करुन संबंधित माहितीसह फॉर्म सबमिट करावा
👇👇👇👇👇👇
https://forms.gle/vPE7oVGpsLmEUMw68

*www.sindhudurgsainikschool.com*
वरील लिंकवर ऑनलाईन नोंद झालेल्या विद्यार्थ्यांची प्रवेशपूर्व परीक्षेची तारीख आपणांस कळविण्यात येईल.

*💁‍♂️अधिक माहितीसाठी खालील नंबरवर संपर्क करा*

*🏫ऑफिस :*
*📲७८२२९४२०८१*
*📲९४२०१९५५१८*
*दिपक राऊळ : 📲९४२३३०४५१८*

*जाहिरात लिंक*👇
————————————————
*संवाद मीडिया*
*वेबसाईट* : https://sanwadmedia.com/
*फेसबुक* : https://facebook.com/Snvadmedia
*चॅनेल* :https://youtube.com/c/sanvadmedia
=========================
*📱जाहिरात व बातम्यासाठी संपर्क*
*9421234663*