*जागतिक साहित्य कला व्यक्तित्व विकास मंचच्या सन्मा सदस्या ज्येष्ठ लेखिका कवयित्री अरुणा दुद्दलवार लिखित अप्रतिम अभंग*

*श्रीदत्तगुरू*

काखेमधे झोळी। उभे धेनू श्वान

दावी श्रीचरण। दत्तगुरू।।

ब्रम्हा विष्णु शिव। त्रिमूर्ती सुंदर।

सार्थ निरंतर। दत्तगुरू।।

अनसूया माता।त्रैलोक्य लाभले।

बाळरूपी आले।दत्तगुरू।।

शांत सौम्य मूर्ती।मुखी प्रसन्नता ।

भक्तीने पूजता। दत्तगुरू।।

सगुण निर्गुण। आहेस सर्वत्र।

अर्पू फुलपत्र।दत्तगुरू।।

अनन्य भक्तीने।वंदिते तुजला।

मुक्ती विकाराला।दत्तगुरू।।

तव चरणांची।राहो मनी आस।

ध्यास *अरुणास*। दत्तगुरू।।

०००००००००🍁००००००००

अरुणा दुद्दलवार@✍️