*मतदारच विशाल परब यांचे स्टार प्रचारक..*

*विशाल परब यांची प्रचारात कमालीची आघाडी*

*तरुणाईकडून विजयाचा प्रबळ दावा*

*विशाल परब यांची लढत कोणाशी असेल? गावागावात रंगतेय चर्चा*

सावंतवाडी

सावंतवाडी विधानसभा मतदारसंघातील अपक्ष उमेदवार विशाल प्रभाकर परब यांनी प्रचार कार्यात कमालीची आघाडी घेतली आहे. गावागावातील युवक युवतीनी प्रचार कार्यात सहभाग घेतला आहे. विशाल परब यांच्या प्रचार कार्यातील उस्फुर्त प्रतिसाद पाहता, विशाल परब यांचे *स्टार प्रचारक* हे सर्वसामान्य शेतकरी,युवक,युवती, महिला असल्याचे चित्र पाहायला मिळत आहे.
सावंतवाडी विधानसभा मतदारसंघातून अपक्ष म्हणून आपला उमेदवारी अर्ज दाखल केल्यानंतर, भव्य दिव्य कार्यक्रमांचे आयोजन करणाऱ्या विशाल परब यांचे स्टार प्रचारक कोण असतील? असा प्रश्न पडला होता.

तरुणांच्या मनातील आमदार म्हणून चर्चेत आलेल्या विशाल परब यांनी *सर्वसामान्य शेतकरी हाच माझा स्टार प्रचारक* असे जाहीर केले होते.
संवाद मीडियाच्या टीमने सावंतवाडी मतदारसंघाचा आढावा घेतला असता, इतर पक्षाचे पदाधिकारी आपल्या उमेदवाराची निशाणी घेऊन लोकांपर्यंत पोहोचताना पाहायला मिळाले तर, अपक्ष उमेदवार विशाल परब यांच्या प्रचार कार्यात राजकीय पक्षाशी संबंध नसलेले, एरवी मतदानाचा हक्क बजावणारे सर्वसामान्य शेतकरीच, तरुण, महिला विशाल परब यांच्या प्रचार कार्यात आघाडीवर असल्याचे चित्र पाहायला मिळत आहे. त्यामुळे प्रचाराच्या अखेरच्या टप्प्यात विशाल परब यांची लढत कुणाशी होणार? अशी चर्चा रंगू लागली आहे.