*जागतिक साहित्य कला व्यक्तित्व विकास मंचच्या सन्माननीय सदस्य ज्येष्ठ लेखिका कवयित्री सौ.ज्योत्स्ना तानवडे लिखित अप्रतिम अभंग रचना*

निर्गुणाचा ध्यास

लागली जीवास | सगुणाची आस |

निर्गुणाचा ध्यास | अंतर्यामी ||१||

सगुण देखणे | लावण्य श्रीमंती |

आशीर्वच देती | निर्गुणात ||२||

भास चराचरी | संकेत ईश्वरी |

जाणीव गोचरी | दृढ होई ||३||

जाणे संवेदना | देव आत्मरूप |

वसतो अरूप | परमात्मा ||४||

अरूपाचे रूप | निर्गुण सगुण |

साक्षात्कारी जाण | अंतरात्मा ||५||

ज्योत्स्ना तानवडे. पुणे