वेंगुर्ला
विद्यार्थिनी सकारात्मक दृष्टीकोन ठेवून स्वतःवर विश्वास ठेवून आपल्या जीवनाची वाटचाल करावी तसेच स्वच्छ चरित्र ठेवा आशा आकांक्षा न बाळगता बँ खर्डेकर यांचे कार्य डोळ्यासमोर ठेवा असे आवाहन मुंबई विद्यापीठाचे भूगोल अभ्यास मंडळाचे चेअरमन प्रा. शिवराम अनंत ठाकूर यांनी केले.
वेंगुर्ले येथील बॅ बाळासाहेब खर्डेकर महाविद्यालयात संस्थापक व प्रथम प्राचार्य बॅ बाळासाहेब खर्डेकर यांचा ५७ वा स्मृतिदिन कार्यक्रम आज संपन्न झाला.
या कार्यक्रमास प्रमुख पाहुणे प्रा ठाकूर उपस्थित होते. प्रथम मान्यवरांच्या हस्ते बॅ खर्डेकर यांच्या प्रतिमेचे पूजन करण्यात आले.
यावेळी व्यासपीठावर महाविद्यालयाचे प्रा डॉ. विलास देऊलकर कलावलयाचे अध्यक्ष सुरेंद्र खामकर रोटरी इंटरनॅशनलचे पॉल हॅरीस फेलो संजय पुनाळेकर स्मृतिदिन कार्यक्रमाचे चेअरमन प्रा. प्रदीप होडावडेकर कनिष्ठ महाविद्यालयाचे पर्यवेक्षक पी. एन. शिंदे उपस्थित होते.
डॉ ठाकूर भाषणात म्हणाले की बॅ खर्डेकर परदेशात शिक्षण घेण्यासाठी गेले असतानाही तेथे न थांबता मातृभूमीची सेवा करण्यासाठी ते भारतात आले व त्यांनी शिक्षण कार्यास वाहून घेतले. वेंगुर्लेत महाविद्यालय स्थापन झाले नसते तर माझ्यासारख्या अनेक शेतकरी कुटुंबातील मुलांना शिक्षण घेणे कठीण झाले असते. महाविद्यालयाच्या उत्कर्षासाठी व प्रगतीसाठी ज्यांनी ज्यांनी योगदान दिले त्यांच्याबद्दल त्यांनी कृतज्ञता व्यक्त केली.
बॅ बाळासाहेब खर्डेकर स्मृती वक्तृत्व स्पर्धेत विजेत्या प्रथम क्रमांक प्राप्त कु दिव्याता मसुरकर व कस्तुरी शेटये टी वाय बी कॉम यांना मान्यवरांच्या हस्ते मेमोरियल शिल्ड व पारितोषिक देऊन गौरविण्यात आले. द्वितीय क्रमांक राजश्री परब अकरावी कॉमर्स, तृतीय क्रमांक संतोषी आमडोसकर टी वाय बी एसी ,उत्तेजनार्थ प्राची मुळीक एस वाय बीएसी व वैष्णवी घारे अकरावी विज्ञान यांनाही पारितोषिक देऊन गौरविण्यात आले.
या कार्यक्रमात डॉ वि एम पाटोळे,प्रा डी आर आरोलकर, डॉ प्रा सुनील भिसे, प्रा डी एस पाटील, प्रा एम.डी बुजारे तसेच विद्यार्थिनी कस्तुरी शेटये यांनी मनोगत व्यक्त केले. कार्यक्रमास सुरेंद्र चव्हाण माजी कर्मचारी अरविंद आळवे,माजी विद्यार्थी तसेच प्रा नरेश शेटये शिक्षक व शिक्षकेतर कर्मचारी व विद्यार्थी उपस्थित होते.यात सूत्रसंचालन प्रा विवेक चव्हाण तर आभार प्रा सौ.संपदा दीक्षित यांनी मानले.
