*जागतिक साहित्य कला व्यक्तित्व विकास मंचच्या सन्मा सदस्या ज्येष्ठ लेखिका कवयित्री अरुणा दुद्दलवार लिखित अप्रतिम शिरोमणी काव्यरचना*
*कला*
दर्शवतात अस्तित्व
स्वतःतील सुंदर कलागुणांनी
घडते परीपूर्ण प्रभावी व्यक्तीमत्व…….!
*कला*
मनाची अभिव्यक्ती
भावभावना संदेश विचार
कलेतून साकार सुयोग्य प्रस्तुती…..!
*कला*
निसर्गदत्त देणं
प्रयत्न आणि परिश्रमाने
संपूर्ण सफलता प्राप्त करणं….!
*कला*
मनाचा विरंगुळा
आवड छंद कलेचा
मन बुध्दीचा आनंद आगळा..!
*कला*
भक्तीभावे साधना
त्यात रममाण एकचित्ताने
घडते जणू ईश आराधना….!
**********************
अरुणा दुद्दलवार
दिग्रस यवतमाळ✍️
