*ज्येष्ठ लेखक कवी पत्रकार संपादक बाबू फिलिप्स डिसोजा लिखित अप्रतिम काव्यरचना*
*शिर्षक- वसंतोत्सव दारी*
मधुमालतीचा वेल बहरला
नाजुक जाईचा गंध पसरला
सोनचाफा फुले वृक्ष डवरला
माझिया अंगणी वसंत फुलला
-१-
प्राजक्ताचा सडा तळी विखुरला
जास्वंदाचा तुरा मंद तो डोलला
माझिया अंगणी वसंत फुलला
आम्रवृक्ष मत्त धुंद मोहोरला
-२-
निष्पर्ण झाडावरी चाफा झुलला
माझिया अंगणी वसंत फुलला
देव देव्हारी भक्ती सूर झरला
यौवन मनी प्रेम रंग भरला
-३-
माझिया अंगणी वसंत फुलला
कोकीळाने मधुर स्वर धरला
मधुस्तव भ्रमर गुंजारवला
श्रवता निसर्गाने ताल धरला
-४-
उधळण रंगगंधांची भूतला
फुलपाखरांचे भ्रमण चंचला
रंगांचा सोहळा सृष्टी विस्तारला
माझिया अंगणी वसंत फुलला
-५-
-बाबू फिलीप डिसोजा कुमठेकर
हिमगौरी बिल्डिंग२१ सेक्टर२१ स्कीम१०
यमुनानगर निगडी पुणे-४११०४४
मो. 9890567468
