*जागतिक साहित्य कला व्यक्तित्व विकास मंच तथा संस्थापक अध्यक्ष महाकवी कालिदास प्रतिष्ठान पुणे लेखक कवी वि.ग.सातपुते लिखित अप्रतिम काव्यरचना*

 

*अतृप्त लोचने*

***************

शब्दरूप तुच , तूच कविता

सुगंधा तुच , मनभाव गंधली

भावरूपे , आळवीत जाता

गीतात , अव्यक्ते ओघळली….

 

अंतर्यामी , स्वरानंद श्रद्धेचा

उमलुनी येते गीतगंधाली

दरवळलेले सारे चराचर

प्रीती ती अंतरीच रुतलेली….

 

शब्दात व्यक्त होणे अवघड

आज भावनांच मुसमुसलेली

भिरभिरणाऱ्या अतृप्त लोचनी

तुझी अनंत रूपे पाझरलेली….

*************************

*रचना क्र.३९ / १२ / ११ / २०२४*

*#©️वि.ग.सातपुते.(भावकवी)*

*📞(9766544908)*