You are currently viewing देवबाग मधील “त्या” घर जळीतगस्त वृद्धांना भाजपाकडून मदतीचा हात

देवबाग मधील “त्या” घर जळीतगस्त वृद्धांना भाजपाकडून मदतीचा हात

Miदेवबाग मधील “त्या” घर जळीतगस्त वृद्धांना भाजपाकडून मदतीचा हात

माजी खा. निलेश राणे आणि दत्ता सामंत यांच्या माध्यमातून ५० हजाराची मदत सुपूर्द

मालवण

देवबाग डिंगेवाडी मधील रामचंद्र मधुसूदन सामंत (वय ८२) आणि त्यांची वृद्ध पत्नी सौ. गुलाब रामचंद्र सामंत (वय ७८) यांच्या राहत्या घराला अचानक लागलेल्या आगीत त्यांचे घर जळून हे वृद्ध दांपत्य उघड्यावर आले आहे. ही दुर्घटना १५ फेब्रुवारीला घडली होती. गेले आठवडाभर हे वृद्ध दाम्पत्य आणि त्यांची ५३ वर्षाची मुलगी मिलन रामचंद्र सामंत ही घरबाहेर एका मांगरात वास्तव्य करून आहेत. याची माहिती मिळताच भाजपाचे प्रदेश कार्यकारणी सदस्य दत्ता सामंत यांनी या कुटुंबाची भेट घेतली. यावेळी त्यांच्या परिस्थितीची माहिती घेतल्यानंतर या कुटुंबाला निलेश राणे आणि आपल्या माध्यमातून ५० हजाराची मदत दत्ता सामंत यांनी सुपूर्द केली. या कुटुंबाला उभं करण्यासाठी भाजपाच्या माध्यमातून सर्वतोपरी सहकार्य केले जाईल, अशी ग्वाही यावेळी देण्यात आली.

देवाबाग मधील सामंत यांच्या घराला शॉर्ट सर्किटने आग लागून मोठ्या प्रमाणात नुकसान झाले आहे. या घरात वयोवृद्ध सामंत कुटुंबीय आपल्या मुली समवेत राहते. या आगीच्या दुर्घटनेमुळे हे दांपत्य उघड्यावर आले आहेत. घराबाजूच्या एका पडवीत त्यांचा संसार सुरु असून थंडी वाऱ्यामध्ये हे कुटुंब उघड्यावर आले आहे. याची माहिती मिळताच भाजपा नेते दत्ता सामंत यांनी याठिकाणी भेट देऊन पाहणी केली. यावेळी दुर्घटनेची माहिती घेऊन या कुटुंबाला उभे करण्यासाठी भाजपच्या माध्यमातून ५० हजाराची मदत त्यांना सुपूर्द करण्यात आली. यावेळी सरपंच उल्हास तांडेल, उपसरपंच तात्या बिलये, मालवणचे माजी नगरसेवक दीपक पाटकर, युवा मोर्चा तालुकाध्यक्ष मंदार लुडबे, भाई मांजरेकर, संतोष पालव, नादार तुळसकर, मकरंद चोपडेकर, दिनेश कासवकर, जीत चोपडेकर, तुकाराम तांडेल, गणेश पेडणेकर, गणेश मोंडकर, आशु तोरसकर, ग्रा.पं. सदस्या अपर्णा धुरी, पास्कू ब्रीद, पीटर लुद्रिक, विलास बिलये, मंदार धुरी, बाबू कासवकर यांच्यासह भाजपाचे अन्य कार्यकर्ते आणि ग्रामस्थ उपस्थित होते. या दुर्घटनेत जखमी झालेल्या श्री. लोणे यांच्यावर जिल्हा रुग्णालयात उपचार सुरु आहेत. त्यांच्या उपचाराबाबत दत्ता सामंत यांनी जिल्हा शल्य चिकित्सक डॉ. श्रीपाद पाटील यांच्याशी फोन वरून चर्चा केली

प्रतिक्रिया व्यक्त करा

nine + 1 =