सिंधुदुर्ग शिक्षण प्रसारक मंडळाच्या अभियांत्रिकी महाविद्यालयाच्या विद्यार्थ्यांच्या शोधाला भारत सरकारकडून पेटंट बहाल

कणकवली

अभियांत्रिकी महाविद्यालय कणकवलीचे प्र. प्राचार्य महेश साटम , माजी प्राचार्य डॉ. अनीश चिंतामण गांगल व मेकॅनिकल विभागाचे प्रा. कल्पेश सुनिल कांबळे यांच्या मार्गदर्शनाखाली मेकॅनिकल विभागाचे विद्यार्थी कु. अदित्य मनोज डोयले, कु. अदित्य राजेश चौघुले व इलेक्ट्रिकल विभागाची विद्यार्थीनी कु. गौरांगी अजय सावंत यांनी ” पोर्टेबल वॉर्म-चिलर कंटेनर” या उपकरणाच्या डिझाईन पेटंटची भारत सरकारकडे नोंद केली होती , त्यास मंजुरी मिळून सरकारकडून त्यांना पेटंट मिळाले व याचा शोधनिबंध देखील आँफिशिअल जर्नल आँफ पेटंट आँफीस इंडिया मध्ये प्रसिद्ध झाला आहे.

या पेटंटचा उपयोग भविष्यात अन्न संरक्षण , अन्न गरम तसेच थंड करण्यासाठी होणार असून त्याबाबतचे पेटंट मिळणे ही संस्थेसाठी व महाविद्यालयासाठी गौरवाची बाब असल्याची भावना महाविद्यालयाच्या अध्यक्षा सन्मा. सौ. निलमताई राणे, उपाध्यक्ष सन्मा. निलेशजी राणे, सचिव सन्मा. नितेशजी राणे, अँडमिनिस्ट्रेटीव्ह आँफीसर श्री. शांतेश रावराणे, सर्व विभाग प्रमुख, शिक्षक व शिक्षकेतर कर्मचारी यांनी व्यक्त केली आहे.