कुडाळ येथे उद्या गिरणी कामगार मेळावा

कुडाळ

सर्व श्रमिक संघटनेच्या गिरणी कामगार विभागातर्फे २७ ऑक्टोबर रोजी सकाळी ११ वाजता कुडाळ रेल्वेस्टेशन मार्गावरील सिद्धिविनायक सभागृहात जिल्ह्यातील गिरणी कामगार व वारसदारांचा मेळावा आयोजित करण्यात आला आहे.
या मेळाव्यात म्हाडाकडून गिरणी कामगार व वारसदारांच्या ऑनलाईन पात्रता निश्चिती करण्याकरिता अर्ज भरण्याबाबत जाहीर करण्यात आलेल्या सूचनेची माहिती देण्यात येणार आहे. तसेच हे ऑनलाईन अर्ज भरताना येणाऱ्या प्रश्नांची सोडवणूक करण्याबाबत माहिती देण्यात येईल. गिरणी कामगार व वारसदारांना मुंबईतच घर मिळण्याबाबत रुपरेषा व आंदोलनाबाबत एकंदरीत दिशा निर्देश ठरविण्याची घोषणा करण्यात येणार आहे. या मेळाव्याला कॉ. उदय भट, कॉ. बी. के. आंबे, कॉ. संतोष मोरे व कॉ. अनंत मालप मार्गदर्शन करण्यासाठी मुंबई येथून उपस्थित राहणार. आहेत. जिल्ह्यातील गिरणी कामगार व वारसदारांनी मोठ्या संख्येने या मेळाव्याला उपस्थित राहवे, असे आवाहन प्रमुख संघटक शांताराम परब यांनी केले आहे.