*जागतिक साहित्य कला व्यक्तित्व विकास मंचचे सन्मा सदस्य ज्येष्ठ कवी विनायक जोशी लिखित अप्रतिम काव्यरचना*

*नावाजत मला सारं गाव*

//886//

काव्ययात्री मी शेतकरी

दोस्ती केली *वरूणाशी*

तहान लागता जमिनीला

फटकून वागला माझ्याशी

//1//

जमिनीवरती मारून रेषा

शिकून घेतली बाराखडी

त्यावर बांधली सुंदर शाळा

नंतर शिकलो मी *मोडी*

//2//

धरून हात *शब्दांचा*

गाठली शाळा तालुक्याची

रचले काव्य *पहिले तेथे*

*बोबडी* वळली गुरुजींची

//3//

मार खाऊन येथेच्छ तेथे

वाट पकडली *गावाची*

नाही पाहिले नंतर तोंड

पोरगी गटवली गुरुजींची

//4//

डिग्री बिग्री काय कामाची

संसार म्हणजे *सारीपाट*

आदर्श ठेवून बहिणाबाईचा

ओव्या रचल्या *फटाफट*

//5//

टाकून गिरणी पिठासाठी

*बहिणाबाईचे* दिले नाव

सुट्टी मिळाली *जात्याला*

*नावाजत मला सारं गाव*

//6//

विनायक जोशी🖋️ ठाणे

2809/9324324157