*जागतिक साहित्य कला व्यक्तित्व विकास मंचच्या सन्मा सदस्या ज्येष्ठ लेखिका कवयित्री शीला पाटील लिखित अप्रतिम काव्यरचना*

*शिवार*

माझ्या भावाच्या शेतात

पाणी वाहे झुळूझुळू

ढवळ्या पवळ्याची जोडी

घुंगराची खुळु खुळु **

गार गार पाटामंदी

खळं खळं पाण्यासंग

माती तुडवते माय

गाई जनीचा अभंग **

खुरपे हातात घेवुन

माय निंदण्यास जाई

पाणी पाटाचं वाहतं

वावरात बारे देई **

बारा बिग्याची जमीन

कष्ट करी भाऊराया

आई बापाची त्यावरी

लई मोठी छत्र छाया **

मोट हाकी भाऊराया

पाणी वाहते पाटाचं

कष्ट करीतो मोलाचं

मोल मिळतं लाखाचं **

*श्रीम. शीला पाटील. चांदवड.*