*जागतिक साहित्य कला व्यक्तित्व विकास मंचच्या सन्मा सदस्या ज्येष्ठ लेखिका कवयित्री प्रणिता खंडकर लिखित अप्रतिम काव्यरचना*

*श्रावण आला..*

अवखळ, अल्लड, पाऊस धारा,

प्रसन्नतेचा करती शिडकावा,

बटा मनोहर जलबिंदूंच्या,

खुळ्या,न आवरती, सावरता!

पदन्यास सृष्टीचा रंगला,

पागोळ्यांनी धरिला ठेका,

लय-तालाच्या समेवरी या,

इंद्रधनुची आगळी शोभा!

व्रतवैकल्ये, सणवारांचा,

श्रावण, सात्विक,दरवळणारा,

ऋतुगंधाने बावरलेला,

वेड लावितो तना-मनाला!

चैतन्याचा फुले पिसारा,

नैराश्याला मुळी न थारा,

आबालवृद्धां, हवाहवासा,

श्रावण आला, श्रावण आला!

©प्रणिता खंडकर.

डोंबिवली, पूर्व.जि ठाणे.

वाॅटसप संपर्क 98334 79845