सावंतवाडीत मोफत नेत्र तपासणी व मोतीबिंदू शस्त्रक्रिया शिबिराचे  9 एप्रिल ते 30 मे दरम्यान आयोजन

सावंतवाडी :

भटवाडी येथील नॅब नेत्र रुग्णालयात मोफत नेत्र तपासणी व मोतीबिंदू शस्त्रक्रिया शिबिराचे आयोजन करण्यात आले आहे. या उपक्रमामुळे परिसरातील गरजू रुग्णांना मोठा दिलासा मिळणार आहे.

मोफत तपासणी व शस्त्रक्रिया सुविधा

या शिबिरामध्ये सर्व रुग्णांची मोफत नेत्र तपासणी केली जाणार असून मोतीबिंदू असलेल्या रुग्णांवर पूर्णपणे मोफत शस्त्रक्रिया करण्यात येणार आहे. तसेच अल्प खर्चात चष्मे उपलब्ध करून देण्यात येणार आहेत.

गरजू रुग्णांना प्राधान्य

या शिबिरात अत्यंत गरजू तसेच दारिद्र्यरेषेखालील रुग्णांना प्रथम प्राधान्य देण्यात येणार आहे. नोंदणीसाठी आधार कार्ड व रेशन कार्ड सोबत आणणे आवश्यक आहे.

शिबिराचा कालावधी व वेळ

हे शिबिर दिनांक 9 एप्रिल 2026 ते 30 मे 2026 या कालावधीत दररोज सकाळी 10 ते सायंकाळी 6 वाजेपर्यंत सुरू राहणार आहे.

नोंदणी व संपर्क

इच्छुक रुग्णांनी नॅब नेत्र रुग्णालय, भटवाडी, सावंतवाडी येथे प्रत्यक्ष भेट देऊन किंवा 8010133205 या मोबाईल क्रमांकावर संपर्क साधून नाव नोंदणी करावी. ऑनलाईन माहिती व्हॉट्सअॅपद्वारे उपलब्ध करून देण्यात येणार आहे.