*जागतिक साहित्य कला व्यक्तित्व विकास मंचच्या सन्मा सदस्या ज्येष्ठ लेखिका कवयित्री प्रा सौ सुमती पवार लिखित अप्रतिम काव्यरचना*
*मी जीवनास नेहमीच..*
मी जीवनास नेहमीच “वर” मानले
येईल सामोरे ते सारे कवेत घेतले..
.मी जीवनास नेहमीच …
सुख आले पाठोपाठ मग दु:ख ही आले
गांगरले गोंधळले पण मीच सावरले
बाऊ न केला कधी त्याचा मुक सोसले…
.मी जीवनास नेहमीच…
सुखी आहे कोण इथे सांगा ना जरा
मज दाखवा ना सुखी माणसाचा सदरा
रामकृष्ण आले गेले नाही सुटले…
. मी जीवनास नेहमीच…
जो येईल हो दिवस तोच आपला माना
आनंद शोधतोच तोच खरा आहे शहाणा
पंकात कमळ काटे गुलाबास ही आले
. मी जीवनास नेहमीच…
हा पाठशिवणीचा खेळ आहे जिंदगी
काटे नि मळ घेऊनच धावते नदी
मनास विचारा हो “नाम” किती घेतले…
. मी जीवनास नेहमीच…
प्रा.सौ.सुमती पवार नाशिक
(९७६३६०५६४२)
