*जागतिक साहित्य कला व्यक्तित्व विकास मंचच्या सन्मा. सदस्या ज्येष्ठ लेखिका कवयित्री अरुणा दुद्दलवार लिखित अप्रतिम काव्यरचना*

🌷🍃सरते वर्ष, येते वर्ष🍃🌷

वर्षामागे वर्ष सरे

रात्री मागे पहाट ती

निसर्गाचे चाले चक्र

ऋतू निरंतर गाती।।

निसर्गाचा कोप कधी

मानवनिर्मित फास

उभे पीक डोळ्यांपुढे

सुटे विश्वासाची कास।।

दैवलीला न्यारी अशी

नाती गोती झाली दूर

स्पर्शासाठी आसुसली

नयनात दाटे पूर।।

दूर ठेऊ संकटाना

मदतीचा हात देऊ

विश्वासाने करु मात

नववर्षी आशा ठेऊ।।

तिमिरात तळपती

तेज लेवून किरणे

नववर्षी गाऊ सारे

गीत यशाचे नव्याने।।

〰️〰️〰️〰️〰️〰️

अरुणा दुद्दलवार@✒️