नऊ नगरसेवकांचा समावेश; सुप्रिया नलावडे गटनेतेपदी

कणकवली :

कणकवली नगरपंचायतीत भारतीय जनता पार्टीच्या तिकिटावर निवडून आलेल्या नगरसेवकांनी एकत्र येत भारतीय जनता पार्टीचा अधिकृत गट स्थापन केला आहे. “कणकवली नगरपंचायत भारतीय जनता पार्टी गट” अशी या गटाची नोंद करण्यात यावी, यासाठी जिल्हाधिकाऱ्यांना लेखी पत्र देण्यात आले असून, गट स्थापन करण्याबाबतचा ठराव व त्याचे इतिवृत्त सादर करण्यात आले आहे.

या गटाच्या गटनेतेपदी सुप्रिया समीर नलावडे यांची निवड करण्यात आली आहे. त्यांच्या पत्राच्या अनुषंगाने गट स्थापन झाल्याचे निवेदन जिल्हाधिकारी तृप्ती धोडमिसे यांना देण्यात आले. महाराष्ट्र नगरपंचायत अधिनियम व संबंधित नियमांनुसार या गटाची अधिकृत नोंद घेण्यात यावी, अशी मागणीही पत्राद्वारे करण्यात आली आहे.

स्थापन करण्यात आलेल्या भाजप गटात प्रभाग क्रमांक १ मधून राकेश बळीराम राणे, प्रभाग क्रमांक २ मधून प्रतीक्षा प्रशांत सावंत, प्रभाग क्रमांक ३ मधून स्वप्नील शशिकांत राणे, प्रभाग क्रमांक ५ मधून मेघा अजय गांगन, प्रभाग क्रमांक ७ मधून सुप्रिया समीर नलावडे, प्रभाग क्रमांक ९ मधून मेघा महेश सावंत, प्रभाग क्रमांक १० मधून आर्या औदुंबर राणे, प्रभाग क्रमांक १२ मधून मनस्वी मिथुन ठाणेकर तसेच प्रभाग क्रमांक १६ मधून संजय मधुकर कामतेकर यांचा समावेश आहे.

एकूण नऊ नगरसेवकांचा हा गट अधिकृतरीत्या स्थापन झाल्याने कणकवली नगरपंचायतीतील राजकीय घडामोडींना वेग आला आहे.