मालवण :

योगात्मा डॉ. काकासाहेब वराडकर स्थापित कट्टा पंचक्रोशी शिक्षण प्रसारक मंडळाची सन २०२४-२५ ची वार्षिक सर्वसाधारण सभा रविवार दिनांक २१-१२-२०२५ रोजी वराडकर हायस्कूल व कनिष्ठ महाविद्यालय संयुक्त कट्टा येथील गुरुदक्षिणा हॉलमध्ये संस्था अध्यक्ष श्री.अजयराज वराडकर यांच्या अध्यक्षतेखाली उत्साहात संपन्न झाली. यावेळी सिंधुदुर्गातील उपक्रमशील वराडकर हायस्कूलच्या शतकमहोत्सवी वर्षी सिंधुदुर्गातील आदर्श आणि नामांकित कट्टा पंचक्रोशी शि. प्र. मंडळाच्या वार्षिक सभेत कार्यकारिणीत काम करणेसाठी आलेल्या सर्व पंधरा अर्जंचा विचार होऊन सन २०२५-२६ ते २०२७-२८ कालावधीच्या नव्या कार्यकारणीची बिनविरोध निवड करण्यात आली. या सभेत प्रथेनुसार संस्था विश्वस्त निवृत्त कर्नल शिवानंद वराडकर आणि ॲड. एस. एस. पवार यांनी दोन विश्वस्त आणि खालील तेरा सन्माननीय नावांची घोषणा केली.

अजयराज शरद वराडकर – अध्यक्ष, आनंद मधुकर वराडकर – उपाध्यक्ष, शेखर सदानंद पेणकर- उपाध्यक्ष, सुनील बंधुकांत नाईक – सचिव, श्रीमती विजयश्री श्रीकांत देसाई – सचिव, साबाजी देविदास गावडे – सहसचिव, रविंद्रनाथ बाळकृष्ण पावसकर – खजिनदार, सुधीर चंद्रकांत वराडकर- संचालक, महेश दिगंबर वाईरकर -संचालक, सौ. श्रुती शिवानंद वराडकर – संचालिका, सौ. स्वाती सुधीर वराडकर – संचालिका, आनंद रमेश टेमकर – संचालक, नितीन शशिकांत गिरकर – संचालक यांची संचालक म्हणून एकमतानी अविरोध निवड करण्यात आली. तसेच संस्थेचे सन्माननीय सल्लागार म्हणून संस्था माजी विद्यार्थी उद्योजक श्री. नारायण पेणकर, अर्थतज्ज्ञ श्री. सुहास वराडकर, उद्योजक श्री. संतोष साटविलकर, आणि उद्योजक श्री. व्हिक्टर डॉन्टस यांची निवड करण्यात आली.