*ज्येष्ठ साहित्यिका उपक्रमशील, आदर्श शिक्षिका, लेखिका, कवयित्री, सामाजिक कार्यकर्ती अनुपमा जाधव लिखित अप्रतिम काव्यरचना*

*गाभारा*

करी कोणी चोरी मारी

कोणी मागतसे भीक

सुपीक भूमित

साबराचे पीक

कोणी ओरबाडी वेली

कोणी झाडांना कापतो

गंध सारा तुडवून

कोणी सावल्या जाळतो

असे घडतेच कसे

कोणी का न घेई शोध !

कोणी संताने येऊनि

द्यावा मानसाला बोध

एक भला ज्ञानमार्ग

जो जाळीतो अंधारा

त्याने सरते पशूता

भरे मनाचा गाभारा

अनुपमा जाधव, डहाणू