डॉ. हर्षदा देवधर जिल्ह्यातून प्रथम, तर द्वितीय सरिता पवार

वेंगुर्ले

पुणे येथील जेष्ठ साहित्यीक अरुण सावळेकर यांनी वेंगुर्ले येथील ” किरात दिवाळी अंक ” यासाठी सिंधुदुर्ग व रत्नागिरी जिल्ह्यातील महिलांना प्रोत्साहनपर आयोजित केलेल्या खुल्या कथालेखन स्पर्धेत डॉ.हर्षदा देवधर ( झाराप ) यांनी प्रथम, सरिता पवार ( कणकवली ) द्वितीय तर प्राजक्ता आपटे ( वेंगुर्ले ) यांनी तृतीय क्रमांक पटकावला आहे.

या स्पर्धेत सिंधुदुर्ग व रत्नागिरी जिल्ह्यातील २५ स्पर्धकांनी सहभाग घेतला होता. उर्वरित निकालामध्ये श्वेतल परब ( सावंतवाडी ) चतुर्थ, मुग्धा शेवाळकर ( दोडामार्ग ) पाचवा, आणि कल्पना मलये ( कणकवली ) सहावा यांचा समावेश आहे. स्पर्धेचे परीक्षण साहित्यीक वीरधवल परब यांनी केले . विजेत्या १ ते ६ क्रमांकाच्या कथांचा समावेश किरात च्या दिवाळी अंकात करण्यात आला आहे. सर्व विजेत्यांना रोख रक्कमेसह अरुण सावळेकर लिखित ” नाट्यरंग ” या दीर्घाणकिकेची प्रत दिवाळी अंकासोबत भेट देण्यात येणार आहे. विजेत्यांचे सर्व स्तरातून अभिनंदन होत आहे.