छत्रपती संभाजी महाराज जयंती विविध उपक्रमांनी साजरी होणार..

मालवण :

मानवता विकास परिषद वतीने 14 मे रोजी छत्रपती संभाजी महाराज जयंती मालवण मधील सर्वच राजकीय, सामाजिक कार्यकर्ते, ग्रामस्थ, मानवता विकास परिषदचे सर्व कार्यकर्ते यांच्या प्रमुख उपस्थित लीलांजली हॉल भरड मालवण येथे साजरी करण्यात येणार आहे. या वेळी मालवण तालुक्यातील सर्वांगिण विकासावर चर्चा विनिमय विविध मान्यवरांच्या उपस्थितीत करण्यात येणार आहे.

मानवता विकास परिषदच्या आगामी ध्येयधोरणाविषयी आणि मालवण तालुक्यातील सर्वांगीण विकासासंदर्भात श्रीकांत सावंत मार्गदर्शन करणार आहेत. यावेळी सर्व क्षेत्रातील मान्यवर उपस्थित राहणार आहेत. 15 मे रोजी माननीय सिंधुदुर्ग जिल्हाधिकारी यांची भेट आणि विकासात्मक कामांचे आणि विविध विषयांवरील निवेदन मानवता विकास परिषदचे अध्यक्ष श्रीकांत सावंत यांच्या प्रमुख उपस्थितीत सादर करण्यात येणार आहे. त्याच वेळी मेडिकल कॉलेजचे डीन श्री प्रकाश गुरव यांची भेट व निवेदन सादर करण्यात येणार आहे.

तरी मालवण तालुक्याच्या सर्वांगीण विकासासाठी सर्वांनी यावेळी उपस्थित राहावे असे आवाहन मानवता विकास परिषद अध्यक्ष श्रीकांत सावंत यांनी केले आहे.