सावंतवाडी
मळेवाड-कोंडुरे युवा मित्र मंडळ व मळेवाड कोंडूरे ग्रामपंचायत यांच्या वतीने ३० एप्रिल ते ४ मे या कालावधीत मळेवाड पर्यटन महोत्सव २०२३ चे आयोजन केले आहे. दरवर्षी प्रमाणे याही वर्षी ग्रामपंचायत मळेवाड-कोंडुरे च्या सहकार्याने व युवा मित्र मित्र मंडळ मळेवाड कोंडूरे आयोजित ३० एप्रिल ते ४ मे या कालावधीत भव्य सांस्कृतिक पर्यटन महोत्सवचे आयोजन केले आहे.
या महोत्सवाच्या पहिला दिवशी ३० एप्रिलला सकाळी ९ वा. श्री गणेश मूर्तीवर अभिषेक व धार्मिक कार्यक्रम सकाळी १० वा. – श्री सत्यनारायण महापूजा, रात्रौ ०७:३० वा हेळेकर दशावतार नाट्य मंडळाचा नाट्यप्रयोग मायासंग्राम, दुसरा दिवस १ मे ला सकाळी ०८:३० वाजता
मळेवाड प्राथमिक आरोग्य केंद्र येथे ग्रामपंचायत मळेवाड कोंडुरे, युवा मित्र मंडळ मळेवाड कोंडुरे,संत समाज मळेवाड व सावंतवाडी तालुका पत्रकार संघ यांच्या संयुक्त विद्यमाने महारक्तदान शिबिर, रात्रौ ०७:३० वा. – केशव खांबल प्रस्तुत श्री सिद्धेश्वर दशावतार नाट्यमंडळ, दोडामार्ग यांचा नाट्यप्रयोग शापमुक्त, तिसरा दिवस २ मे ला रात्रौ ०९:०० वा. सांस्कृतिक महोत्सवाचा शुभारंभ.रात्रौ ०९:३० वा. – गाव मर्यादित रेकॉर्ड डान्स व वेशभूषा स्पर्धा, तसेच जिल्हास्तरीय निमंत्रित रेकॉर्ड डान्स स्पर्धा, चौथा दिवस ३ मे ला रात्रौ ०९:३० वा. – वैभवी क्रिएशन, डिचोली (गोवा) निर्मित आणि अमर फाळकर प्रस्तुत दोन अंकी धमाल विनोदी नाट्यप्रयोग माझ्या मित्राची बायको तर पाचवा दिवस ४ मे ला रात्रौ ०९:३० वा. सिंधु सुंदरी सौंदर्य स्पर्धा व सांस्कृतिक कार्यक्रम असे भरगच्च कार्यक्रमाचे आयोजन केले आहे.तरी सर्व रसिकांनी याचा लाभ घ्यावा, असे आवाहन सरपंच मिलन पार्सेकर व उपसरपंच तथा युवा युवा मित्र मंडळ अध्यक्ष हेमंत मराठे तसेच ग्रामपंचायत सदस्य, युवा मित्र मंडळ पदाधिकारी यांनी केले आहे.
