चालकासह क्लिनर जखमी : रुग्णालयात दाखल
सावंतवाडी
मुंबई गोवा महामार्गाच्या झाराप पत्रादेवी बायपासवर वेत्ये येथील कैलाश धाब्याजवळ बस चालकाचा गाडीवरील ताबा सुटल्यामुळे झालेल्या अपघातात चालकासह क्लिनर जखमी झाला.
गाडी रस्ता सोडून रस्त्यालगत असलेल्या खाईत कोसळल्यामुळे झालेल्या अपघातात गाडीच्या चालकाचा पाय पत्र्यात अडकला. शुक्रवारी मध्यरात्री एकच्या सुमारास हा अपघात झाला. अपघाताची माहिती मिळताच वेत्ये सरपंच गुणाजी गावडे यांच्यासह स्थानिक ग्रामस्थांनी घटनास्थळी धाव घेतली. त्यांनी अपघातग्रस्तांना मदतकार्य केले. संबंधित बस गोवा ते मुंबई असा प्रवास करीत होती. दरम्यान, या अपघातात जखमी झालेल्या चालक व क्लीनरला अधिक उपचारासाठी सावंतवाडी येथील कुटीर रुग्णालयात दाखल करण्यात आले. अपघातात गाडी थेट रस्त्याच्या बाजूला असलेल्या खाईत घसरल्यामुळे बसचेही मोठ्या प्रमाणात नुकसान झाले.
