कुडाळ मध्ये शिवशाही बसचा अपघात..

कुडाळ

कुडाळ शहरातील हॉटेल गुलमोहोर नजिक शिवशाही बसला काल रात्री ९ वाजण्याच्या सुमारास अपघात झाला. सदर बस पणजीहून पुणे येथे जात होती. प्राथमिक माहितीनुसार, चालकाचे अवघड वळणावर बस वरील नियंत्रण न राहिल्याने हा अपघात झाला अशी माहिती समोर येत आहे. या अपघातात बसचे नुकसान झाले असून दैव बलवत्तर म्हणून जीवितहानी झाली नाही. सदर शिवशाही बस अपघातग्रस्त होवून ड्रेनेज लाईनवर धडकली. रात्री उशिरा क्रेन आणून बस बाजूला करण्यात आली. कुडाळ पोलिसांनी घटनास्थळी धाव घेतली.