ॲड.सर्जेराव साळवे यांची शिवचरण उज्जैनकर फाउंडेशनच्या छत्रपती संभाजी नगरचे जिल्हा संपर्कप्रमुख म्हणून नियुक्ती

संवाद तुमचा - आमचा, उभ्या महाराष्ट्राचा

ॲड.सर्जेराव साळवे यांची शिवचरण उज्जैनकर फाउंडेशनच्या छत्रपती संभाजी नगरचे जिल्हा संपर्कप्रमुख म्हणून नियुक्ती

Post published:मार्च 8, 2023
Post category:कोल्हापूर / बातम्या
Post comments:0 Comments

*ॲड.सर्जेराव साळवे यांची शिवचरण उज्जैनकर फाउंडेशनच्या छत्रपती संभाजी नगरचे जिल्हा संपर्कप्रमुख म्हणून नियुक्ती*

शिवचरण उज्जैनकर फाउंडेशन मुक्ताईनगर या संस्थेच्या वतीने नुकताच १४वा वर्धापन दिन मुक्ताईनगर येथे साजरा करण्यात आला. या वेळी ३५ शिक्षकांना आदर्श शिक्षक पुरस्कार देऊन सन्मानित करण्यात आले.संस्थेचे अध्यक्ष डॉ शिवचरण उज्जैनकर यांच्या अध्यक्षतेखाली झालेल्या या कार्यक्रमाला प्रमुख पाहुणे म्हणून सुप्रसिद्ध साहित्यिक व विचारवंत डॉ सतिश तराळ तसेच डॉ प्रतिमा इंगोले या हजर होत्या. संस्थेचे सचिव प्रमोद पिवटे यांनी संस्थेच्या कामकाजाचा लेखाजोखा मांडला. त्यानंतर संस्थेतर्फे राज्य व जिल्हा स्तरावर पदाधिकारी यांची नियुक्ती करण्यात आली. छत्रपती संभाजी नगरचे जिल्हा संपर्कप्रमुख म्हणून साहित्यिक, कवी ॲड सर्जेराव साळवे यांची नियुक्ती करण्यात आली. प्रमुख पाहुणे यांच्या उपस्थितीत संस्थेच्या वतीने नियुक्ती पत्र देऊन सन्मानित करण्यात.
ॲड सर्जेराव साळवे यांचे सामाजिक क्षेत्रातील कार्य,आवड व शिवचरण उज्जैनकर फाउंडेशनच्या उपक्रमातील सततचा सहभाग यावरून ही नियुक्ती करण्यात आली असल्याचे संस्थेच्या वतीने कळविण्यात आले. ॲड सर्जेराव साळवे हे छत्रपती संभाजी नगर येथील गणपतराव साळवे च्यारीटेबल फाउंडेशनचे अध्यक्ष आहेत. त्यांच्या अनेक कविता, लेख प्रकाशित असून अनेक साहीत्य संमेलनात सक्रिय सहभाग नोंदवला आहे. त्यांनी अनेक वृक्षारोपण कार्यक्रम तसेच रक्तदान शिबिराचे आयोजन केले आहे. कायदेविषयक जनजागृती व मोफत मार्गदर्शन या बाबतीत त्यांना अनेक संस्थांनतर्फे पुरस्कार देऊन गौरविण्यात आले आहे. त्यांनी अनेक ठिकाणी कलामंचावर सांस्कृतिक कार्यक्रम आयोजित करून बेटी बचाव, अन्न वाचवा, वाचन चळवळ, भृणहत्या बंदी, क्यैंसर मुक्ती, व्यसन मुक्ती आदि विषयांवर प्रबोधनात्मक कार्यक्रम सादर केले आहेत.

त्यांच्या या निवडीबाबत सर्व थरातून, मित्रमंडळी व साहित्यिक मित्रांकडून अभिनंदनाचा वर्षाव होत आहे. कार्यक्रमाला डॉ सुभाष बागल,छ.संभाजी नगर, प्राचार्य डॉ पंढरीनाथ शेळके, बुलढाणा, महाराष्ट्रातील सर्व पदाधिकारी, अनेक नामांकित व्यक्ती, साहित्यिक नागरिक तसेच मोठ्या संख्येने महीला वर्ग हजर होते.या वेळी ॲड साळवे यांनी भृणहत्या विषयावर “आई मला तू जगात येऊ दे, आई गं माझा जन्म होऊ दे!” मी कविता सादर केली. कार्यक्रमाचे सूत्रसंचालन ज्योती ताई राणे, जळगाव जिल्हा संपर्कप्रमुख यांनी केले तर गणेश कोळी यांनी आभार मानले.