वैभववाडी तालुक्यातील मौजे बौद्धवाडी येथील श्रीमती दिक्षा श्रीधर कांबळे ह्या राहत असलेल्या बौद्धवाडीचा काही भागातील परिसर  व  मोजे खांबाळे येथील मंगेश नामदेव चव्हाण, रेश्मा नामदेव चव्हाण, राजेश रमेश चव्हाण, रोशन रमेश, रमेश नामदेच चव्हाण हे सर्वजण व्यवसायानिमित्त राहत असलेले तांबेवाडी ते संपूर्ण बाजारपेठ परिरिसर कोरोना विषाणुचा प्रादुर्भाव टाळण्यासाठी कंटेन्मेंट झोन म्हणून जाहीर करण्यात आला आहे.

सदर कंटेन्मेंट झोनमध्ये दिनांक 9 सप्टेंबर 2020 रोजी रात्री 12.00 पर्यंत सर्व आस्थापना, दुकाने, वस्तुविक्री बंद राहणार आहेत. तसेच या क्षेत्रामध्ये नागरिकांना येणे- जाणे व सर्व प्रकारच्या वाहनांना प्रवेश बंद असेल. हे आदेश अत्यावश्यक सेवा, सार्वजनिक वितरण व्यवस्था, वैद्यकिय उपचार व्यवस्था, बँक, सेवा देणारे अधिकारी, कर्मचारी व त्यांची वाहने यांना लागू राहणार नाही. तसेच सदर आदेशाचे उल्लंघन करणाऱ्याविरुध्द आपत्ती व्यवस्थापन कायदा 2005 कलम 51 व 58 अन्वये तसेच महाराष्ट्र पोलीस अधिनयम, 1951 चे कलम 71,139 तसेच भारतीय दंड संहिता (45 ऑफ 1860)  च्या कलम 188 अन्वये कारवाई करण्यात येईल, असे आदेश कणकवली उपविभागीय अधिकारी सुशांत खांडेकर  यांनी दिले आहेत.