*जागतिक साहित्य कला व्यक्तित्व विकास मंच सदस्या ज्येष्ठ लेखिका कवयित्री ज्योत्स्ना तानवडे यांनी सहजीवनाच्या ४६ वर्षांच्या आनंदी, यशस्वी वाटचाल वाटचाली निमित्त लिहिलेली अप्रतिम काव्यरचना*.
!! श्री !!
!! ऋतू सोहळे !!
सनईच्या सुरावटीने
वाटचाल सुरू झाली
ऋतुऋतुंचे सोहळे
आनंद वाटत गेली ||
नव्या कळ्या उमलल्या
वसंत फुलूनी आला
बाललीलांच्या संगती
धूंवाधार बरसला ||
कित्येक नाती जुळत गेली
फुलली जणू तारांगणे
अखंड त्यातूनी बरसते
शरदाचे सुखद चांदणे ||
ज्येष्ठांचे हात सूटत गेले
पानगळ धीराने साहिली
नातवंडांच्या रूपाने
नवीन पालवी फुलली ||
तुझ्या-माझ्या सोबतीने
ऋतुसोहळे सजले
संसाराचे भावविश्व
मनाजोगते फुलले ||
सनईचे सूर आजही
करिती साथसंगत
तुझी माझी अशीच राहो
जन्मोजन्मी अखंड सोबत ||
ज्योत्स्ना तानवडे.
पुणे.५८
