*नाबर प्रशालेचा वार्षिक पारितोषिक वितरण सोहळा उत्साहात संपन्न**

बांदा :

 

श्री मंगेश रघुनाथ कामत चॅरिटेबल ट्रस्ट मुंबई च्या व्ही.एन.नाबर मेमोरियल इंग्लिश मीडियम स्कूल, बांदा प्रशालेचा वार्षिक पारितोषिक वितरण सोहळा शनिवारी २८ जानेवारीला पार पडला.

व्यासपीठावर पईकाणे ग्रुपचे संचालक तथा अध्यक्ष अतुल पईकाणे, तसेच प्रमुख अतिथी जगदीश पाटील, अतिथी डॉक्टर हेमंत पेडणेकर ,उद्योजक भाऊ वळंजू,शशी पित्रे, कामत चॅरिटेबल ट्रस्टचे अध्यक्ष मंगेश कामत , प्रशालेच्या मुख्याध्यापिका सौ.मनाली देसाई आदी मान्यवर उपस्थित होते. यावेळी वर्षभरात प्रशालेत घेतल्या गेलेल्या विविध स्पर्धांची बक्षीसे विद्यार्थ्यांना मान्यवरांच्या हस्ते वितरित करण्यात आली.

‘विद्यार्थ्यांचे उल्लेखनीय यश हे कौतुकास्पद आहे .या यशात प्रशालेचे शिक्षक पालक व विद्यार्थी या सर्वांचा मोलाचा वाटा आहे. प्रत्येकाने स्पर्धेच्या युगात टिकण्यासाठी सतत प्रयत्नशील राहिले पाहिजे ,तरच उत्तरोत्तर यशाची शिखरे गाठता येतील .’ असे विचार डॉक्टर जगदीश पाटील यांनी यावेळी बोलताना व्यक्त केले .

कार्यक्रमाचे प्रास्ताविक प्राचार्या सौ मनाली देसाई ,सूत्रसंचालन प्रशालेच्या उपमुख्याध्यापिका सौ. शिल्पा कोरगावकर ,रिना मोरजकर यांनी केले .अहवाल वाचन श्रीमती रसिका वाटवे यांनी केले .पाहुण्यांचा परिचय सौ. दीक्षा नाईक यांनी तर आभार प्रदर्शन हेलन रोड्रिक्स यांनी केले. कार्यक्रम यशस्वी होण्यासाठी स्पर्धा प्रमुख प्रशालेच्या सौ स्नेहा नाईक मॅडम यांनी विशेष परिश्रम घेतले.