*जागतिक साहित्य कला व्यक्तित्व विकास मंच सदस्या लेखिका कवयित्री वर्षा भावे, जबलपूर लिखित अप्रतिम काव्यरचना*

*रिटायरमेंट*

रिटायरमेंट नंतर नकोच,त्याच रडगाणं ।
प्रयत्न असावा हसत रहावे, नकोच नुसतं रडणं ।
नकोच नुसता कंटाळा, नकोच नुसतं बसणं।।

कधी म्हणावे स्त्रोत तर,कधी ऐकावी गाणी।
कधी करावं गीता वाचन,कधी घ्यावी शिकवणी ।।

कधी पहावी मालिका,कधी वाचावी कहाणी ।
कधी खेळावे खेळ,तर कधी म्हणावी गाणी ।।

मित्र असतात आपल्या सुख- दुःखाचे आधार।
बिना जीवन संगिनी , नाही जीवनाचा विचार।।

कधी लावा बायकोला घर कामात हातभार ।
तेव्हाच राहू आपण स्वस्थ,कधी न येई आजार।।

आजी आजोबांनी नातवंडांशी खेळावा भातुकली संसार ।
आनंदी – आनंद सहजीवन राहील मजेदार ।।

करत रहावे नाम स्मरण,लीन रहावे गुरूचरणात ।
राम नाम जप करत रहावे, आनंद येई जीवनात ।

*वर्षा भावे*
*जबलपूर मध्यप्रदेश*