*जागतिक साहित्य कला व्यक्तित्व विकास मंच सदस्या ज्येष्ठ लेखिका कवयित्री सौ राधिका भांडारकर लिखित अप्रतिम काव्यरचना*
*अंतर्बोल*..
जे जमले नाही आज
उद्या नक्की जमेल
का सोडायचे यत्न
संधी पुन्हा मिळेल…
नसतो कधी स्वप्नांना अंत
पुन्हा पुन्हा जगावे
मिटलेल्या स्वप्नांसाठी
श्र्वास पकडून ठेवावे…
मोडले परी वाकले नाही
विश्र्वास आहे मनामध्ये
सामोरी जाईन समस्यांना
जोर आहे धमन्यामध्ये…
राखेतून जन्म घेतो
पक्षी फिनीक्स जिद्दीचा
पंखात असता शक्ती
वेध घ्यावा उडण्याचा…
पुन्हा होईल पहाट
संपेल हा अंधार
वाट मी पाहीन
पेटेल एक अंगार….
*राधिका भांडारकर पुणे*.
