You are currently viewing जळगावात २६ फेब्रुवारीला मराठी गझल लेखन कार्यशाळा

जळगावात २६ फेब्रुवारीला मराठी गझल लेखन कार्यशाळा

*गझल मंथन साहित्य संस्थेचा उपक्रम*

 

जळगाव (गुरुदत्त वाकदेकर) :

महाराष्ट्रातील अग्रगण्य संस्था गझल मंथन साहित्य संस्थेतर्फे रविवार, दिनांक २६ फेब्रुवारी २०२३ रोजी जळगावात एक दिवसीय नि:शुल्क मराठी गझल लेखन कार्यशाळा आयोजित केली आहे. याप्रसंगी महाराष्ट्रातील नामांकित गझलकारांचा मराठी गझल मुशायरा देखील होणार आहे.

पहिल्या सत्रात होणाऱ्या गझल लेखन कार्यशाळेत नवोदित गझलकारांना सुप्रसिद्ध गझलकार डॉ. कैलास गायकवाड, सुप्रसिद्ध गझलकार निलेश कवडे, सुप्रसिद्ध गझलकार शांताराम (शाम) खामकर हे मार्गदर्शन करणार आहेत. जळगाव येथील वल्लभदास वालजी जिल्हा वाचनालयाच्या सभागृहात ही भव्य गझल लेखन कार्यशाळा आयोजित करण्यात आलेली आहे.

कार्यशाळेसाठी पूर्वनोंदणी आवश्यक आहे. मर्यादित जागा असल्याने कार्यशाळेत प्रथम नाव नोंदणी करणाऱ्यास प्राधान्य देण्यात येणार आहे. गझल लेखन शिकण्याची इच्छा असणाऱ्यांनी ॲड. मुकुंदराव जाधव यांच्या (8806544472) या भ्रमणध्वनी क्रमांकावर व्हाॅटस्अॅपद्वारे नाव नोंदणी करावी. कार्यशाळेत सहभागी होणाऱ्या प्रत्येक प्रशिक्षणार्थीला सहभाग प्रमाणपत्र तसेच प्राविण्य प्राप्त करणाऱ्या पाच विद्यार्थ्यांना सन्मानचिन्ह आणि प्रमाणपत्र देऊन गौरवण्यात येणार आहे.

यानंतर दुपारच्या दुसऱ्या सत्रात मान्यवर गझलकारांचा मुशायरा होणार आहे. नवोदित गझलकारांनी या कार्यशाळेचा लाभ घ्यावा, असे आवाहन गझल मंथन साहित्य संस्थेचे अध्यक्ष अनिल कांबळे, उपाध्यक्ष वसुदेव गुमटकर, सचिव जयवंत वानखडे, सहसचिव उमा पाटील, प्रसिद्धी प्रमुख भरत माळी, खानदेश उपविभाग प्रमुख अॅड. मुकुंदराव जाधव आणि जळगाव जिल्हा कार्यकारिणीने केले आहे.

प्रतिक्रिया व्यक्त करा

11 − 7 =