सावंतवाडी
न्यूट्रल झालेला बॉलेरो टेम्पो सरळ पुढे जात ट्रकला आदळल्याने अपघात झाला आहे. यात बॉलेरोचे नुकसान झाले. हा अपघात आज सकाळी साडेदहा वाजण्याच्या सुमारास येथील कारागृहानजीक घडला. सुदैवाने ट्रकला आदळल्याने ती गाडी थांबली. पुढे तशीच आली असती तर मोठा अनर्थ घडला असता, अशी भीती यावेळी व्यक्त करण्यात आली. दोन्ही जणांनी सांमजस्यांची भुमिका घेतल्याने याबाबत पोलिस ठाण्यात काहीच दाखल नाही, असे पोलिस हवालदार राजा राणे यांनी सांगितले. अपघात झाल्यानंतर परिसरात मोठी गर्दी झाली होती. तर या अपघातात दोन्ही गाड्याचे नुकसान झाले आहे. सुदैवाने कोणालाही दुखापत झाली नाही.
