कणकवली

एक वर्षाच्या गायीच्या वासरावर बिबट्याने घरासमोर येवून हल्ला केल्याने या हल्ल्यात वासरू जखमी झाले आहे ही घटना कणकवली तालुक्यातील कळसुली मधलीवाडी येथे घडली आहे.

कळसुली मधलीवाडी येथील बबन विठोबा खरात यांच्या एक वर्षाच्या गायीच्या वासरावर बिबट्याने घरासमोर येवून हल्ला केला. ही घटना शनिवारी पहाटे 4 च्या सुमारास घडली आहे. बिबट्याने गायीच्या वासराला मानेला पकडले असता गायीच्या वासरने आरडाओरड केली असता बबन खरात यांनी बॅटरी घेवुन बाहेर येवून पाहिले असता वासराच्या मानेला पकडुन बिबट्या बसलेला होतो. खरात यांनी आरडाओरड केली असता बिबट्याने जंगलाच्या दिशेने धूम ठोकली.

गेल्या वर्षी याच मधलीवाडी परिसरामध्ये बिबट्या विहिरीत पडलेला होता. त्यानंतर वनविभागाने त्या बिबट्याला पकडून नैसर्गिक अधिवासात सोडण्यात आलं होते. या घटनेनंतर परत बिबट्याचा वावर कळसुली मधलीवाडी येथे बिबट्याचा वावर वाढला असल्याने या परिसराततील ग्रामस्थ भीतीच्या छायेत वावरत आहेत. याकडे वनविभागाने लक्ष वेधून या बिबट्याचा कायमस्वरूपी बंदोबस्त करावा अशी मागणी केली जाते.