आपदा मित्र‘ पहिल्या तुकडीच्या प्रशिक्षणाचे सोमवारी जिल्हाधिकाऱ्यांच्या हस्ते उद्घाटन

सिंधुदुर्गनगरी

राष्ट्रीय आपत्ती व्यवस्थापन प्राधिकरण व राज्य आपत्ती व्यवस्थापन प्राधिकरणाच्यावतीने उद्या सोमवार दि. 19 डिसेंबर रोजी कुडाळ येथील आर एस एन हॉटेल येथे ‘आपदा मित्र‘ प्रशिक्षण कार्यक्रमाचे उद्घाटन सकाळी 11.30 वाजता जिल्हाधिकारी के. मंजुलक्ष्मी यांच्या हस्ते होणार आहे. अशी माहिती निवासी उपजिल्हाधिकारी तथा जिल्हा आपत्ती व्यवस्थापन प्राधिकरणाचे मुख्य कार्यकारी अधिकारी डॉ. जयकृष्ण फड यांनी दिली.

            19 ते 30 डिसेंबरपर्यंत चालणाऱ्या या प्रशिक्षण कार्यक्रमात 200 स्वयंसेवकांना ‘आपदा मित्र‘ चे प्रशिक्षण देण्यात येणार आहे. पैकी 100 जणांच्या पहिल्या तुकडीचे प्रशिक्षण उद्यापासून सुरु होणार आहे.