राज्यस्तरीय शालेय वेटलिफ्टींग क्रीडा स्पर्धा  11 ते 13 डिसेंबरला

 सिंधुदुर्गनगरी

जिल्हा क्रीडा परिषद, व जिल्हा क्रीडा अधिकारी कार्यालय आणि मामाचो गाव रिसॉर्ट, हिर्लोक, यांचे सहकार्याने सन 2022-23 या वर्षात राज्यस्तरीय शालेय वेटलिफ्टींग (17 व 19 वर्षाखालील मुली) क्रीडा स्पर्धा  दिनांक 11 ते 13 डिसेंबर 2022 या कालावधीत मामाचो गाव  रिसॉर्ट, हिर्लोक,कुडाळ येथे आयोजित करण्यात आलेल्या आहेत. तरी जिल्हयातील सर्व शाळा, महाविद्यालये, खेळाडू, क्रीडा प्रेमी व नागरीक यांनी या स्पर्धेस उपस्थित राहून खेळाडूंना प्रोत्साहित करावे, असे आवाहन जिल्हा क्रीडा अधिकारी विद्या शिरस यांनी केले आहे.       

       क्रीडा व युवक सेवा संचालनालय, महाराष्ट्र राज्य पुणे यांचे अंतर्गत जिल्हा क्रीडा परिषद व जिल्हा क्रीडा अधिकारी, कार्यालय यांचे संयुक्त विद्यमाने सन 2022-23 या सत्रातील तालुकास्तरीय, जिल्हास्तरीय, विभागस्तरीय व राज्यस्तरीय  शालेय क्रीडा स्पर्धाचें आयोजन करण्यात आले आहे.