You are currently viewing रंनावल रान

रंनावल रान

*जागतिक साहित्य कला व्यक्तित्व विकास मंच सदस्य निवृत्त पोलिस अधिकारी ज्येष्ठ लेखक कवी वासुदेव खोपडे लिखित अप्रतिम काव्यरचना*

*रंनावल रान*

मांड्या मांड्या सोयाबीन
गच्च भरल शेंगान
मारे ऊफायन्या मूंग
आस रंनावल रान !!

बोंडया फुलान सजली
लेक माही रे पऱ्हाटी
गच्च हिरवी अंबाडी
कसी दिसे तरणिताठी !!

अंगा हळद माखली
तूर आली जवानीत
मक्का बांधून बाशिंग
ऊभा घेऊन वरात !!

भडमुंजा भड बाई
ऊभा तुरीच्या वईत
कव्वी लचक चवळी
कसा घेई ग कवेत !!

निळ्या,ढवळ्या टोपित
ऊभा बांधावर तीळ
मठ मटक शेंगिले
कसा घालतोया शीळ !!

भुईशेंग ती लाजरी
कशी लपली मातीत
भेंडी,अम्बाडी,गवार
पिंगा घालती रानात !!

टच्च भरल कनिस
कस डोले वाऱ्यावर
डोळा चूकोनी होऱ्याचा
दाना टिपति पाखर !!

आस फूलल फुलल
सार शिवार खुलल
दिसे हिरव हिरव
आस रान रंनावल !!

वासुदेव महादेवराव खोपडे
सहा पोलीस उपनिरीक्षक (से.नि)
अकोला 9923488556

प्रतिक्रिया व्यक्त करा

1 × one =