*जागतिक साहित्य कला व्यक्तित्व विकास मंच सदस्य ज्येष्ठ लेखक कवी गीतकार संगीतकार गायक अरुण गांगल लिखित अप्रतिम काव्यरचना*

*”कृष्ण जन्म”*

योगेश्वर योगमायेला करू वंदन
दोन्ही ठरले सर्व विश्वाला वरदान।।ध्रु।।

दोघे जन्मले श्रावणी कृष्ण अष्टमी दिन
योगमाया गोकुळांत कान्हा कारागृहांत
दोघांचेही आज आहेत जन्म शुभ दिन।।1।।

कान्हाची सात भावंडे मारली कंसान
अत्याचार थांबावा ठरवले नियतीनं
वासुदेव गोकुळी कान्हाला गेले घेऊन।।2।।

योगमाया नेली कारागृहांत वसुदेवानं
योगमाया होय अवतार आदिशक्तिमान
विष्णू सह प्रगटली पाळण्या वचनं।।3।।

योगमायेला भूवर जेव्हा फेकली कंसानं
योगमाया उडाली आकाशी स्वर्ग दिशेन
माया कंसाला करी क्षमा पादस्पर्श झाल्यानं।।4।।

कान्हाच्या जन्म क्षणी सर्व रक्षक निद्रेत
चेतना जागरूकता प्रकाश दावी कृष्ण
मी माझा अहंभाव होय मुक्त बंधनातून।।5।।

विश्वातील त्याग संपन्न पुरुष होय कृष्ण
मायबाप गांव राज्य वंश मैत्री सोडून
आदर्श दाविला दोघांनी निर्मोही पण।।6।।

श्री अरुण गांगल कर्जत रायगड महाराष्ट्र.
पिन.410201.
Cell.9373811677.